Caparina pal llibru "L’Inmoral"

L’Inmoral
Caparina pa portada

Ilustración de cubierta de la novela de Xulio Vixil Castañón.

Técniques: Montaxe dixital.

Datos del llibru

Título: L’Inmoral
Autor: Xulio Vixil Castañón
Ilustración de cubierta: Cuinchi
Editorial: Ediciones Trabe.
Impresión: Apel
ISBN: 84-8053-356-0

Idioma: Asturianu
Añu: 2005
Páxines: 144
Tamañu: 13 x 20 cm

Venta On-Line: http://www.trabe.org/llibru.asp?id=1101 P.V.P.: 9,00 €

Comentariu editorial

Esto nun ye una novela. Ye namás la trescripción d’ún de los dos cuadernos que narren l’anduliar vital de Mon Legué, bantu y comedor de caparines, nel mundu de los undanda, la raza inferior. Los cuadernos, nun tán completos, davezu-yos falten fueyes o pallabres, pero atalántense perbién los viaxes fabulosos –magar qu’ésti ye muncho más qu’un llibru de viaxes–, atalántense les rellaciones amorosiegues –magar qu’esto seya más qu’una novela romántica o a trazos erótica–, y atalántase, sobre too, una manera d’establecer la vida al marxe de la civilización de los undanda y de la so moral, una manera más fonda, más a mano y más aceda de conocer el nuestru propiu mundu –magar qu’esto seya muncho más qu’un ensayu o un estudiu–. Ésti ye namás el retratu llíricu de Mon Legué, un simple ya inmoral bantu.

Xulio Vixil Castañón (San Xulián de Bimenes, 1964) ye llicenciáu en Filoloxía Hispánica, espertu en Llingua Asturiana, profesor, collaborador de tanto, y encima autor d’estudios y llibros de creación, ente los qu’habemos destacar la novela El paraísu blancu, l’inolvidable llibru de relatos Silvia la negra o los llibros de poesía A la gueta l’alba y El suañu de los vivos . Con esta novela, Xulio Vixil vuelve a refrescar la prosa asturiana de llirismu, ritmu, fantasía y un humor y amor especiales como mui pocos saben facer.