Diseñu y maquetación del xuegu «¿Cuála ye?»

¿Cuála ye? El xuegu de preguntes d’Asturies ye un xuegu de mesa de la mesma categoría que’l Trivial o Preguntados. Editáu por Acuto Xuegos, una iniciativa qu’entamó n’abril de 2019 pa la creación de xuegos y xuguetes n’asturianu.

Nel desarrollu del xuegu nel tableru y a lo llargu de cientos de preguntes en 6 temátiques diferentes, puedes poner a preba los tos conocimientos sobre Asturies en tolos ámbetos. Les 6 estayes del xuegu son: Historia, Cultura, Llingua y Lliteratura, Xeografía y Conceyos, Ciencia y Naturaleza y Deportes y Entretenimientu.

El xuegu base tien:
– Tableru de xuegu de 48x48 cm
– 900 preguntes en 150 tarxetes
– 24 fiches d’aciertu
– Dau y peones de xugadores

Cunten con persones con fondos conocimientos en dellos ámbetos sobre Asturies. Collaboren nes preguntes: Bertu Ordiales, biólogu y escritor, autor de llibros sobre naturaleza asturiana; Bertu Peña, etnógrafu, illustrador ya historiador, autor d’incontables estudios y llibros sobre la cultura asturiana; Dani García de la Cuesta, músicu ya investigador de la música asturiana; Laura Marcos, profesora, escritora y crítica lliteraria; Julio González Trabanco, filólogu y llibreru; Rafa R. Valdés, historiador, investigador y especialista en llingua asturiana; Rubén Magadán Cosío, historiador ya investigador; Victor Suárez, profesor y activista, ún de los que puxa pola Wikipedia n’asturianu; SEMA, Sociedá Etnomotora Asturiana, entidá que tien estudiao con fondura’l xuegu y deporte asturianu.

Notes de prensa:

Cultura del xuegu n’asturianu. L’ésitu del primer xuegu de rol y d’un trivial na nuestra llingua abre puertes a un campu hasta agora non triáu. https://www.elcomercio.es/...

El xuegu ‘¿Cuála ye?’ llega a les cases con 900 entrugues sobre Asturies https://asturies.com/...