Primer acuarela presentable

La mio primer acuarela formada, al entamar la formación na escuela d’artes d’Uviéu.

El cursu anterior hubiera sufrío nel institutu C.M. d’Avilés, onde por fin una maestra atenta díose cuenta de que suspendía too por rebeldía, y entrugóme que qué me prestaría facer. Non como’l cura, que me punxo una matricula d’honor en relixón, por facer una redacción sobre los profetes, na que falaba del Ché y otres persones entregaes a la revolución. Cometí l’error de poner tamién al monseñor Óscar Arnulfo Romero, qu’acababen d’asesinar nel Salvador... Ehí la cagué, toes suspendíes menos relixón, asina que la de “Lengua” que m’hubiera humildao tantes veces delantre toes, por falar aldeano, tamién m’aprobó, polo que pasaba cursu... Menos mal que la guapa maestra de francés, que mos enseñaba a pronunciar diciendo qu’había que poner la boca como’l culu d’una pita (lliteral násturianu), me rescató.

Con esa acuarela aprobé de verdá por primer vez na mio vida, ehí metí la pata, pa siempres enxamás, y paez que sabíalo, pol simbolismu de la fola... Pero prefiero la probitú, a nun pintar nada... 😉